Залуу нас

Р.Чойном

Залуу нас

Хєрстийн амьдралд хєл алдсан
Хєлчvvхэн зvрхний минь тольтон дээгvvр
Шувууны сvvдэр шиг дайраад єнгєрсєн
Шунхан улаан залуу нас мину.

Амттан бvхний амтыг мэдэлгvй
Асгаж явсан залуу нас минь
Єнгєтєн бvхний єнгийг бодолгvй
Yрж явсан залуу нас минь.

Зуны шєнийн нойрыг тоолгvй
Зуун гурван учралыг мєрєєсєж
Зураг шиг охидыг тэрэг шиг дайрч
Зуурдхан мандсан залуу нас минь.

Євлийн есийн жаврыг тоолгvй
Єєр хvний авгайд сэтгэл хаяж
Єрхний vзvvр шиг дэрвэж явсан
Єлчирхєн тэнэг залуу нас минь

Даанч чи минь удсангvй…
Даавуу хvрэм савхин бээлий шигээ
Дассан сурсан годон гэзэгтvvд шигээ
Дардан зам дээр vлджээ – залуу нас минь!

Улаанбаатарын чулуун засмалаар
Урагшаа, хойшоо, баруун тийшээ, зvvн тийшээ
Дотоод vйлдвэрийн хvнд шаахайг
Долоохон хоногт точийлдож явахдаа

Хvний сайн мууг зvvдлээ ч vгvй
Хvvхэд шиг єссєн залуу нас минь
Хvvхний сайхныг таниа нь vгvй
Хvvрзгэнэ шиг єссєн залуу нас минь.

Ангарайтсан нєхєдтэй vдшийн цагаар
Адуу шиг пижгэнэсэн залуу нас минь
Айлын чийдэн хага чулуудаад
Авирлаж явсан залуу нас минь.

Аавын хvvгийн шvр шиг хацрыг
Алгадаж явсан залуу нас минь
Адилхан нєхдийнхєє хамрын цусыг
Асгаруулж явсан залуу нас минь.

Yзсэнээ мартаж дуулснаа тогтоохгvй
Yvрдийн юм шиг дургиж явахдаа
Yймээнт хорвоогоос дахиад олдошгvй
Yнэнч ханийнхаа дэргэдvvр єнгєрч

Хоног тєдий зуурдхан ханилах
Хотын хvvхний єнгєнд хууртаж
Ариухан цусаа тvvний тєлєє
Асгаж явсан залуу нас минь.

Оюутан ахуйн дэврvvн шvлгийн
Онгод цадигаар бялхаж явахдаа
Орчлон хорвоогийн нарийн учрыг
Олчихлоо хэмээн тєєрч явсан

Ариунаас ариухан залуу нас минь
Арваадхан жилийн ханилгаатай байжээ
Халуунаас халуухан залуухан цаг минь
Хаврын vер шиг хугацаатай юмсанжээ.

Аяа хєєрхий хvний залуу нас гэж
Авч ч болдоггvй, єгч ч болдоггvй
Хэлгvй байгалийн дуугvй зарлигаар
Хэсэгхэн олддог шагнал юмуу даа.

Бусдын лангуунд энэхvv шагналаа
Бутархай мєнгє шиг тарааж хаясаар
Хvйтэн хорвоод нэг мэдэхнээ
Хvмvvний vр нvцгэрдэг байна.

Сайн ханиас хагацсан хойноо
Санан санан гунихардаг шиг
Болоод єнгєрсєн хойноо залуу насаа
Бодон бодон харуусдаг байна.

Баяртай, залуу зандан нас минь
Барилдсан гэж бодвол би ойчжээ
Уралдсан гэж vзвэл би хоцорчээ
Арилжаа наймаа хийсэн юмсанж гэвэл харин
Атархан биеийнхээ эрvvл мэндийг єгч
Алдар шvлэг хоёрыг чинь авчээ.

Хєрстийн амьдралд хєл алдсан
Хєлчvvхэн зvрхний минь тольтон дээгvvр
Шувууны сvvдэр шиг дайраад єнгєрсєн
Шунхан улаан залуу нас мину! Баяртай!

Эйч Ай Си Пи компаний дизайнер Н.Өлзийбат

Усан дарс: Сайн байна уу? Таньд энэ оройн мэндийг хүргэе! Амралтын өдөр сайхан уу?

Хайраа гэж...

Үе үе мөөрөн шогших улаан үнээ ямар нэгэн юманд яаран тэмүүлэх мэт. Үнээ зогсож дахин нэг мөөрснөө ямар нэг үнэр авсан мэт зогтусан хамраа сарталзуулснаа улам хурдалсаар хэсэгхэн харганатай жижигхэн толгодын энгэрт ойртон очиход өмнөөс нь том саарал чоно зугуухан босож энэ хэн бэ? гэх шиг хараад залхуутайхан бөн бөн шогшсоор холдов.
Улаан үнээ харгана бут бүхнийг тойрон эрэлд хатна. Шургуу эрлийн төгсгөлд гүзээтэй сэвснээс өөрийг эс олов. Төд улалгүй бараан морьтой хүн давхин ирж улаан үнээг элдэн хөөнө.
Хорвоогийн нэг нар уулын цаагуур шургаж харанхуй нөмөрсөөр. Энд юу болж байна гэдгийг харах гэсэн одод тэнгэр дүүрэн тархаж анир чимээгүй ноёрхож эхлэв. Нар мандахад өнөө улаан үнээ нөгөө л газраа нөгөө л эрлээ үргэлжлүүлсээр бүтэн өдрийг барна. Оройхон нөгөө бараан морьтой хүн давхин ирж амандаа ямар нэг хараал урсган улаан үнээг элдэн хөөж одов. Дахиад л маргааш өглөөний нарнаар нөгөө үнээ нөгөө газраа. Харин өнөөдөр юм эрж хайх биш ямар нэг юм хүлээх мэт хивж хэвтэв. Оройхон ирж үнээг хөөж оддог бараан морьтой хүн ч бас үзэгдсэнгүй. Гэвч харанхуй болдогоороо болж дахин нэг шөнө айлчилан ирэв. Маргааш өглөөний цагаан гэгээ холын гийчин мэт цахилан ирсэн ч нар харагдсангүй нөгөө газар дахин нэг гүзээтэй сэвс...Хайраа гэж...!