Эйч Ай Си Пи компаний маркетенгийн захирал Ж.Шижир

Усан дарс:Сайн байна уу? Энэ сайхан өглөөний мэндийг хүргэе.Таныг өөрийнхөө блогын ярилцлага буланд урья болох уу?
Зочин:Аан за. Баярлалаа. Мөн чамд өглөөний мэнд.
Усан дарс: Баярлалаа. Шууд ярилцлагандаа оръё оо хоёулаа. Та ямар мэргэжилтэй хүн бэ.Одоо мэргэжлээрээ ажиллаж байна уу.

Зочин:Би багш л даа.Математикийн багш. Мэргэжлээрээ одоохондоо ажиллаагүй л байна. Ер нь ажиллаж үзсээн 11-н жилийн дунд сургуульд. Ардын багш байна гэдэг маш их хариуцлаг сайхан мэргэжил л дээ. Хүүхэд бүр багшаа гээд л гудамжинд таарахдаа хүртэл. Тэр нь надад их сайхан санагддаг. Олон сайхан аав ээж нарын хайртай үр хүүхдэд мэддэг зүйлээ заана гэдэг улс эх орныхоо ирээдүйд ихгүй ч гэсэн жааханч гэсэн хөрөнгө оруулалт хийж байгаа гэж боддог. Би оюунлаг зүйл, оюуны хүнд дуртай. Хувь хүний хувьд багшлаад явахад цаг хугацаа мэдэгдэхгүй өнгөрөөд л завгүй тун сайхан л даа. Өнөөдрийн хувьд манай монголын нийгэм ямар байгаа билээ. Бизнес санаачилж, зэх зээл эдийн засгийнхаа хөгжилтэй хөл зэрэгцэн алхаж өөрийн хүчээ үзэх сонирхол бас надад байнаа. Би залуу хүн. Яг энэ эрч хүчтэй насандаа зоригтой алхам хийж үзье гэж зорьж хичээж явна.
Усан дарс: Таньтай кофе ууж суунгаа юм ярих бүр сонирхолтой санагдлаа. Асуултынхаа завсар нэг жижигхээн зүйлийг сонирхож асууя. Таны нүд их ядрангуй харагдаж байна. Ажил дээрээ хоноо юу.
Зочин:Хэ хэ. Тэгсээн хоносон. Нэг компаний ажлын дутуу зүйлийг хийж дуусгасан юм. Нэг мэдэхэд шөнө өнгөрсөн байх юм. Унтаж амжаагүй болохоор нүд улайсан байх л даа.
Усан дарс: Ингэхэд уучлаарай. Та компаний захирал байж яагаад өөрөө хийдэг юм. Ажилчидгүй юм уу?
Зочин: Ажилчид байгаа байгаа. Бүгд л өөр өөрийн ажлаа хийгээд л. Жаахан үлдсэн зүйлийг нь би засчихад надаас гарах гарз юу байхав. Өнөөдөр гэсэн үг л дээ. Хийж дуусгах ажлын гэрээний хугацаа болж байгаа юм. Хугацаанд нь гараас гаргах гээд өөрөө суулаа. Манай ажилчид ойрдоо их завгүй байгаа. Яахав эрт хариад унтаг гэж бодоод. Маргааш л гэхэд эрч хүчтэй сайхан амраад ажилдаа ирнэ ш дээ. Хэ хэ. Усан дарс:Та өнөөдрийн нийгмийн талаар юу гэж бодож явдаг вэ?
Зочин: Бид ардчилсан нийгэмд амьдарч байна. Бүх юм өөрсдөөсөө л шалтгаална. Яг одоогийн нийгмийн хувьд ядарч байна шүү дээ. Бүгд л засгаас мөнгө өгөхийг хараад л. Бэлэнчлэх сэтгэлгээ дэндүү сууж байна. Энэ бол муу. Хөдөлмөрлөх хэрэгтэй,сэтгэх хэрэгтэй, хамгийн гол нь сайн хөдөлмөрлөөд олсон хөлс амттай байдаг шүү дээ. Цалин бусад орнуудтай харьцуулахад хамаагүй доогуур л даа. Гэхдээ доогуур гээд гутрах биш өшөө харин хөдөлмөрлөөд чамлахгүйгээр тэрийг үрэх, хэрэггүй зүйлд цацах биш хөрөнгө оруулалтыг сайн л хийх хэрэгтэй. Миний монголын зарим нэг залуучууд тэр хөлс хөдөлмөрөө уух шоудахад арай л түлхүү зарцуулаад байгаа юм шигээ. Гадагшаа гарч биш монголдоо сайхан амьдрах боломж сонголтууд зөндөө байна.
Усан дарс: Та их бизнес санаачлах оюунлаг хүн гэдэгт би эргэлздэггүй л дээ. Харин хувийн амьдралаас чинь сөхье. Та эхнэртэй юу?ямар хүн байдаг вэ, байгаасай гэж боддог вэ?
Зочин: Үгүй ээ. Одоогоор найз охин байхгүй. Ер нь л бол хайж байгаа. Эрчимтэй биш ч гэсэн хайж байгаа.хэ хэ. Би хайраа олоогүй л дээ. Монгол эмэгтэй хүн бүр царайлаг. Би хаана ч хэзээ ч голж царай харахгүй. Хамгийн гол нь хүнлэг ажилсаг дайчин л байх хэрэгтэй. Одоогоор таараагүй л байна. Таарах байх гэж найдаж байна итгэж байна.
Усан дарс: Таны ажлын зарчим юу вэ?
Зочин: Хамтрах, харилцах, найдах. Ямарваа зүйлийг хийхдээ чанартай, хялбараар шийдэх. Би олон хүнтэй харилцаж байсан. Тэр дундаас юуг олж харсан юм бэ гэхээр өөрийн чадах ч байсан тэр хүнийхээ хүсэл бодолд тулгуурлан хамтрагчийнхаа амыг харах. Болохгүй зүйл гэж байхгүй шүү дээ. Тактик боловсруулж төлөвлөгөөтэй л ажиллах хэрэгтэй шүү дээ. Гэхдээ энэ миний л бодол шүү дээ.
Усан дарс: Та мөнгөнд хэр үрлэгэн бэ?
Зочин:Мөнгө олж байгаа юм чинь мэдээж үрж чадна. Үрлэгэн бэ гэвэл үрлэгэн байхаа. Ер нь одоо байгаагаасаа илүү ихийг олж үрэх хэрэгтэй. Бага олдог бол үрэх нь утгаггүй байх л даа.