Жаахан охинд

Зүрх зүрхээ дэрлэн
Зөндөө удаан хоносонсон
Зүүд зүүдээ манан
Зүү утас шиг амьдралыг нэхсэнсэн
Хайрын тухай яриагүй байтал
Хагацлын нулимс унагаагүй байтал
Халуухан янаг чи минь л одлоо
Ханьсахын заяа чи минь л дутлаа

Одоо би чамайг мартчихаж
Огт дүрийг чинь гээчихэж
Орчлонд мөнхийн хавар ирчихэж
Орондоо ганцаар хөрвөөж би дасчихаж
Тэр цаг од шиг харваж
Тэвэр дүүрэн цэцэгс хөлийн дороос чинь дэлгэрч байна
Тэр мөч оч шиг үсэрч
Тэнгэрлиг хайрын илч зүрхний гүнд төөнөж байна
Баяртай жаахан охин минь
Би чамд эрх чөлөөг бэлэглэсэн шиг
Бүү надаас одоо хайр нэхээ
Бүрэнхий үдэш өнгөрч өглөө боллоо.
-Болдын Мөнхдөл